Mëngjesin e sotëm, rreth 50 serbë janë mbledhur në kishën “Shën Nikolla” në Prishtinë, duke kremtuar “lavdinë e tempullit”.
Liturgjia është mbajtur me fillim nga ora 8 e mëngjesit dhe u shërbye nga famullitarët Stanisha Arsiq e Zoran Gogjevac.
Për këtë festë ka uruar nëpërmjet një postimi në Facebook drejtori i të ashtuquajturës Zyre për Kosovë në Qeverinë e Serbisë, Petar Petkoviq.
Në mediumet serbe është shkruar se serbët po kremtojnë këtë festë edhe në Fushë Kosovë. Kosovo Online ka publikuar foto të liturgjisë të mbajtur në Prishtinë.