Arbëri

Haxhiu pas krimit në Gllogjan: Kriminelët duhet të përballen me drejtësinë

 

Ministrja e Drejtësisë, Albulena Haxhiu, ka thënë se rasti i sulmit ndaj autobusit në Deçan duhet të zbardhet sa më parë dhe kriminelët duhet të përballen me drejtësinë.

“Krim i rëndë mbi nxënësit dhe qytetarët ndodhi sonte në Gllogjan të Deçanit. Në këto momente të rënda, bashkëndjejmë me familjarët e viktimave dhe lutemi për shëndetin e personave të plagosur. Ekipi i Institutit të mjekësisë ligjore është në vendin e ngjarjes dhe jemi në komunikim të vazhdueshëm me institucionet. Ky rast duhet të zbardhet sa më parë dhe kriminelët duhet të përballen me drejtësinë”, ka shkruar Haxhiu në Facebook.