Drejtori i të ashtuquajturës Zyre për Kosovë në Qeverinë e Serbisë, Petar Petkoviq, i ka reaguar ministres së Jashtme të Kosovës, Donika Gërvalla, që ka folur për destabilizimin e Ballkanit nga Rusia e Serbia.
Në Zagreb, Gërvalla tha se destabilizimi i Ballkanit nga Rusia e Serbia duhet të adresohet qartë nga BE-ja dhe NATO.
“Kërcënimi Vuçiq – Putin e bën luftën një rrezik të vërtetë për Ballkanin dhe Evropën, për herë të parë që nga vitet 1990-ta”, ka shkruar Gërvalla në Twitter, ku ka postuar një pjesë të fjalimit të saj të mbajtur në Zagreb.
E Petkoviq ka replikuar duke thënë se kryeministri i Kosovës, Albin Kurti, është personi që po e destabilizon rajonin.
“Donika Gërvalla personi i vetëm që po destabilizon rajonin është Albin Kurti duke avokuar për Shqipërinë e Madhe, refuzuar marrëveshjen e Brukselit, duke vendosur forca speciale të armatosura deri në dhëmbë kundër qytetarëve të paarmatosur në veri të Kosovës e Metohisë”, ka shkruar Petkoviq në Twitter.
.@gervallaschwarz the only one destabilizing region is @albinkurti by advocating Greater Albania, rejecting Brussels agreements, deploying armed-to-the-teeth special forces against unarmed citizens in the North of Kosovo and Metohija ? https://t.co/JLNS1xjMRj
— Петар Петковић (@PetkovicPetar) November 25, 2021
-
25 nëntor 2021 12:21
-
Shpërndaje në: