Sot në Kosovë nis zyrtarisht fushata pesëditore për raundin e dytë të zgjedhjeve, të cilat do të përcaktojnë kryetarët e rinj në 21 komuna dhe të mbahen më 14 nëntor.
Prishtina shkoi në garën e balotazhit ndërmjet Arben Vitisë së LVV-së me 45.54 për qind të votave dhe Përparim Ramës së LDK-së me 29.17.
Në Prizren garojnë Mytaher Haskuka i LVV me 40.41 për qind të votave dhe Shaqir Totaj i PDK, me 31.36 për qind të votave në raundin e parë.
Gjilani do të ketë balotazh ndërmjet Lutfi Hazirit nga LDK-ja që mori 43.51 përqind të votave, dhe Alban Hysenit nga LVV-ja 44.71.
Gjakova do të ketë balotazh mes Ardian Gjinit të AAK-së me 45.76 për qind dhe Mimoza Kusari-Lila të LVV-së me 37.20.
Në Podujevë garojnë Ekrem Hyseni i LDK-së, i cili në raundin e parë mori 44.20 për qind dhe Shpejtim Bulliqi i LVV-së me 44.16 për qind.
Në Drenas, kandidati i PDK-së Ramiz Lladrovci, i cili më 17 tetor mori 45.50 për qind, do të përballet me Driton Ajazin nga Demokratët për Drenasin, me 30.50 për qind.
Në Kaçanik do të përballen Besim Ilazi i PDK që mori 44.67 për qind të votave kundër Jeton Rakës nga LVV me 33.36.
Në Istog, Ilir Ferati i LDK-së me 41.09 për qind të votave dhe Bekë Berisha nga AAK me 24.49.
Në Dragash, përballjen do ta kenë Bexhet Xheladini nga LDK që mori 35.69 për qind me Shaban Shabanin nga PDK, i cili në raundin e parë mori 32.56 për qind.
Burim Berisha i LDK-së me 49.72 për qind të votave dhe Enver Bajçinca nga LVV me 25.58, do të garojnë për komunën e Fushë Kosovës.
Ndërsa në Obiliq përballen Xhafer Gashi nga Iniciativa Qytetare për Obiliqin dhe Halil Thaçi i LVV-së. Në raundin e parë kryetari aktual i Obiliqit mori 48.12 për qind të votave, ndërsa kundërkandidati i tij me të cilin do të përballet në balotazh 20.19 për qind të votave.
Në Klinë janë Zenun Elezaj nga AAK me 43.33 për qind të votave dhe Esat Raci nga PDK me 27.42.
Në Kamenicë, Qëndron Kastrati nga PSD me 32.52 për qind të votave dhe Kadri Rahimaj nga LVV, 31.01 për qind.
Në Rahovec, Smajl Latifi i AAK-së me 47.18 për qind të votave dhe Visar Korenica i LVV me 24.84.
Në Viti, Sokol Haliti i LDK me 41.30 për qind dhe Arsim Ademi i LVV me 34.50.
Në Junik, Agron Kuçi i AAK me 45.19 për qind dhe Ruzhdi Shehu i LDK-së me 42.01 për qind të votave në raundin e parë.
Malisheva shkon në balotazh mes Ekrem Kastratit nga NISMA me 34.08 për qind dhe Isni Kilaj nga PDK me 28.82.
Në Vushtrri garojnë Ferit Idrizi i PDK-së me 34.81 për qind dhe Xhafer Tahiri LDK 33.82 për qind.
Në Shtime, Qemajl Aliu LVV me 45.29 për qind dhe Naim Ismajli PDK me 44.23 për qind të votave në raundin e parë.
Edhe dy komunat tjerat Kllokoti e Mamusha janë në balotazh. Në Kllokot garojnë Vladan Bogdanoviqit nga Lista Serbe me 41.01 për qind dhe Strahinja Spasiq nga GI Srpska Narodna Sloga 36.33 për qind.
Ndërsa në Mamushë, Abdulhadi Krasniqi nga KDTP, i cili në raundin e parë mori 48.92 për qind dhe Arif Butuqi nga Kosova Adalet Turk Partisi me 36.95.
Komunat që nuk do të votojnë më 14 nëntor janë Peja, Ferizaj, Mitrovica e Jugut, Deçani, Lipjani, Suhareka, Hani i Elezit, Leposaviqi, Zubin Potoku, Zveçani, Mitrovica e Veriut, Graçanica, Novobërda, Shtërpce, Ranillugu dhe Parteshi.
Në të gjitha këto komuna kryetarët e ri janë zgjedhur në raundin e parë duke fituar mbi 50 për qind të votave të nevojshme.
© KOHA. Të gjitha të drejtat janë të rezervuara.
