Arbëri

22 vjet pas luftës, Kosova pa platformë publike me të dhëna për të zhdukurit

Foto: Alban Bujari / KOHA

Dy dekada pas përfundimit të luftës me Serbinë ende nuk është zgjidhur fati i të zhdukurve. Shteti i Kosovës për tërë këtë periudhë nuk ka krijuar ndonjë platformë publike me informacione të qasshme për këta persona. Kjo, sipas Fondit për të Drejtën Humanitare, ka bërë që shpesh të ketë mospërputhje të të dhënave të përdorura nga studiuesit apo qytetarët. Komisioni Qeveritar për të Zhdukurit thotë se është duke punuar për krijimin e një platforme të tillë

 

Dy dekada pas përfundimit të luftës me Serbinë ende nuk është zgjidhur fati i të zhdukurve. Shteti i Kosovës për tërë këtë periudhë nuk ka krijuar ndonjë platformë publike me informacione të qasshme për këta persona. Kjo, sipas Fondit për të Drejtën Humanitare, ka bërë që shpesh të ketë mospërputhje të të dhënave të përdorura nga studiuesit apo qytetarët. Komisioni Qeveritar për të Zhdukurit thotë se është duke punuar për krijimin e një platforme të tillë

Çelësat që simbolizojnë të zhdukurit gjatë luftës dhe rrëfimet e familjarëve të tyre tash e tre vjet zënë vend në një nga korridoret e Kuvendit të Kosovës. Mirëpo, asnjë informacion rreth numrit të të pagjeturve apo identitetit të tyre nuk është i qasshëm për qytetarët. Kjo pasi 22 vjet nga lufta as Kuvendi, as Qeveria e as ndonjë institucion tjetër shtetëror nuk kanë ndonjë platformë publike me këso të dhënash.

Komisionit qeveritar për të zhdukurit, i cili funksionon në kuadër të faqes së Zyrës së kryeministrit ka të publikuara informacione vetëm për mënyrën e funksionimit të tij.