Komisioneri i Bashkimit Evropian për Fqinjësi dhe Zgjerim, Oliver Varhelyi, ka kërkuar nga Kosova dhe Serbia që të ulin tensionet e t’i kthehen dialogut.
Të hënën, Qeveria e Kosovës ka vendosur masën e reciprocitetit, duke mos lejuar qarkullimin e veturave me targa të Serbisë. Veturat me këto targa, në hyrje të Kosovës duhet të marrin targa të përkohshme, njësoj siç obligohen qytetarët e Kosovës me targa RKS t’i ndërrojnë ato kur futen në Serbi. Masa nxiti reagimin e serbëve që me vetura e kamionë kanë bllokuar qe tash e tre ditë rrugët në drejtim të pikave kufitare në Jarinjë e Bërnjak në veri. Policia e Kosovës me njësi të shtuara është duke qëndruar në këtë zonë.
“Serbi dhe Kosovë, është e domosdoshme të përmbaheni dhe ulni tensionet, të ktheheni në dialog e të siguroni lëvizjen e lirë pa vonesa. Veprimet e njëanshme s’janë kurrë zgjidhje. Ato vetëm çojnë në tensione dhe duhet të tërhiqen”, ka shkruar ai në Twitter.
-
Varhelyi mirëpret marrëveshjen mes Kosovës dhe Serbisë për targat
-
Vuçiq: Nëse ekzistojnë marrëveshjet e Brukselit, le të formohet Asociacioni
-
BE-ja me angazhim diplomatik për uljen e tensioneve në veri
-
Rusia reagon pas reciprocitetit të targave
-
Policia e Kosovës dhe ajo e Serbisë vëzhgojnë njëra-tjetrën me dylbi