Dy persona janë ndaluar nga Policia e Kosovës në pikëkalimin kufitar në Bërnjak, teksa kanë tentuar të futen me teste false për COVID-19.
Siç ka njoftuar Policia e Kosovës, rasti ka ndodhur në mëngjesin e së premtes. Dy qytetarët A.T. (1959) dhe S.T. (1999) kanë prezantuar dokumente që dyshoheshin se ishin të falsifikuara.
Gjatë intervistimit, të dy kanë pranuar se testet i kanë marrë në një kafene në Novi Pazar.
Ndaj tyre është iniciuar rasti për veprën penale të “falsifikimit të dokumentit”. Rasti ka vazhduar në procedurë të rregullt.
-
17 shtator 2021 20:15
-
Shpërndaje në: