Arbëri

90% e të burgosurve të vaksinuar, 28 zyrtarë korrektues me COVID-19

 

(KosovaPress) - Përhapja e shpejt e variantit Delta të COVID-19 ka prekur edhe Shërbimin Korrektues të Kosovës. Aktualisht 28 zyrtarë të SHKK-së janë të infektuar. Së fundmi janë ndaluar vizitat në burgje, por është një i burgosur i cili ka rezultuar pozitiv me këtë sëmundje. Megjithatë, 90% prej tyre janë të vaksinuar, por edhe 95% e stafit në qendra korrektuese janë të imunizuar.

Zëvendësdrejtori i Shërbimit Korrektues të Kosovës, Rasim Selmani bën të ditur për KosovaPress se pas përhapjes së madhe të virusit të variantit Delta, kanë ndaluar vizitat familjare për të burgosurit dhe fundjavat në shtëpi për të dënuarit.