Arbëri

Gërvalla e quan “Open Ballkanin” iniciativë të rrezikshme

 

(Kosovapress) - Zëvendëskryeministrja e Kosovës, Donika Gërvalla ka thënë se nisma rajonale e emëruar tani “Ballkan i Hapur” është e rrezikshme dhe përmes saj krijohet përshtypja se rajoni ka alternativë tjetër në rrugën drejt Bashkimit Evropian.

Në një konferencë të përbashkët me homologun e saj në Shkup, ministrja e Jashtme dhe Diasporës ka thënë se nuk ka nevojë për nisma rajonale të tilla derisa shtetet veçse janë pjesë e procesit të Berlinit, që sipas saj, hapja e iniciativave paralele nuk paraqet diçka të re.