Limaj zgjidhet sërish kryetar i Nismës Socialdemokrate

Fatmir Limaj është rizgjedhur kryetar i subjektit politik të Nismës Socialdemokrate.

Limaj mori besimin e të gjithë delegatëve të cilët ishin prezent në Kuvendin e II-të zgjedhor të Nismës.

Në fjalën e tij pas rizgjedhjes, ai ka falënderuar delegatët për besimin e dhënë duke u zotuar se do të vazhdojë angazhimin në promovimin e vlerave tona kombëtare

“Nisma si parti e moderuar të vazhdoj me politikat sociale. Në promovimin e vlerave demokratike, në promovimin e avancimin e të drejtave pa dallim feje e etnie. Në mbështetje të asaj kategorie që më së shumti kanë nevojë. Ne do ta promovojmë fuqishëm të kaluarën tonë historike”, ka thënë ndër të tjera ai.

Më tutje ai ka thënë se do të jenë zë i fuqishëm opozitarë dhe nuk do të lejojnë që Kosova të rrëshqas në autokraci e despotizëm.

Nisma Socialdemokrate po mban Kuvendin e II-të zgjedhor të partisë.

Në këtë kuvend pritet të zgjidhet kryetari i partisë dhe këshilli kombëtar.

Siç është bërë e ditur kandidati i vetëm për kryetar të këtij subjekti është kryetari i deritanishëm Fatmir Limaj./ kp