Qeveria do t’i kërkojë presidentes autorizimin e MF-së për marrëveshjen e kredisë për COVID-19

Qeveria ka aprovuar vendimin që t’i kërkohet presidentes së Kosovës ta autorizojë Ministrin e Financave, Punës dhe Transfereve për nënshkrimin e Marrëveshjes së Amandamentimit nr. 1 të Marrëveshjes Kornizë të Kredisë të datës 14 gusht 2020, ndërmjet Kosovës të përfaqësuar nga Ministria e Financave dhe Bankës Zhvillimore të Këshillit të Evropës për financimin e projektit “Reagimi Emergjent ndaj COVID-19.

Ministri i Financave, Hekuran Murati, ka thënë se bëhet fjalë për kredinë e cila në tërësi është 35 milionë euro nga Banka Zhvillimore, mjete të cilat po shpenzohen për menaxhimin e pandemisë. Ndërsa, ka shtuar se me marrëveshjen e Amendamentit nr. 1 këtij projekti i shtohet një shumë tjetër prej 25 milionë euro.

“Ka të bëjë me autorizimin për nënshkrimin e Amandamentit nr. 1 të Marrëveshjes kornizë të kredisë me Bankën Zhvillomore për financimin e projektit ‘Reagimi Emergjent ndaj COVID-19’. E tërë kredia bazë në vlerë prej 35 milionë euro nga Banka Zhvillimore është disbursuar në fillim të majit kaluar dhe mjetet financiare po përdoren për menaxhim të pandemisë. Ndërsa, marrëveshja e Amandamentimit nr. 1 i shton këtij projekti edhe një shumë prej 25 milionë euro. Për këtë marrëveshje amandamentimi vlejnë të njëjta kushte të kredisë, afati i kthimit është 15 vjet ndërsa norma e interesimit caktohet gjatë kërkesës për disbursim të mjeteve dhe mund të jetë fiks apo variabil”, ka thënë Murati.

Murati ka shtuar se ky projekt mundëson “mbulimin e shpenzimeve për vaksina kundër virusit, pajisjet dhe materialet shpenzuese për trajtimin e virusit dhe mbështetje buxhetore përmes financimit retroaktiv të shtesave mbi pagat e sektorit publik shëndetësor”.

Miratohet nisma që ua lejon Kosovës dhe Bosnjës udhëtimin vetëm me letërnjoftim
 

(KosovaPress) - Qeveria e Kosovës ka miratuar nismën për lidhjen e marrëveshjes ndërkombëtare me Shqipërinë, Bosnje dhe Hercegovinën, Maqedoninë e Veriut, Malin e Zi dhe Serbinë mbi lirinë e lëvizjes së qytetarëve të palëve të treta.

Kjo marrëveshje u mundëson qytetarëve të Kosovës dhe atyre të Bosnjës dhe Hercegovinës që për herë të parë të hyjnë në territorin e njëra-tjetrës me letërnjoftim biometrik për një periudhë të caktuar.

Edhe Arbëri 12 shk 2026 Qeveria miraton marrëveshjen në vlerë 90 milionë euroshe të Bankës Botërore

Ministri i Punëve të Brendshme, Xhelal Sveçla ka treguar për nismën e marrëveshjes në kuadër të Samitit të Sofjes, për lidhjen e marrëveshjes për liri të lëvizjes.

"Kjo draft-marrëveshje është në frymën e interesave të përbashkëta. Përcakton kushtet e hyrjes, qëndrimit dhe lëvizjes. Qytetarëve të palëve të treta janë të gjithë personat të cilët nuk janë palë nënshkruese. Si rezultat i kësaj marrëveshje një qytetar i palës së tretë, do të kalojë kufirin në një palë në marrëveshje me një dokument", ka theksuar Sveçla.

Qeveria e Kosovës ka miratuar edhe nismën për lidhjen e marrëveshjes për lirinë e lëvizjes dhe qëndrimit në këto shtete. Qytetarët do të kenë mundësi të lëvizjes vetëm me letërnjoftim biometrik.