Arbëri

Banorët e Lubovecit në hall me rrymën e dobët

Naim Haliti nga Luboveci i Skenderajt e di se kur do ta fillojë vjeljen e mjedrës, por nuk e di se ku do t’i ruajë ato. Nëse i ruan në frigoriferët pranë plantacionit ku kultivon rreth 2 hektarë mjedra rrezikon që ato t’i prishen shkaku i rrymës së dobët.

 
Ky tekst është Premium por sot mund ta lexoni pa pagesë!

Problemet me rrjetin e dobët elektrik në fshatin Lubovec të Skenderajt po i shqetësojnë banorët. Në hall me këtë është edhe një kultivues i mjedrës, i cili thotë se nuk e di se si do t’ia bëjë me rendimentin, pasi shkaku i rrymës frigoriferët kanë mbetur jashtë funksionit. Por, në KEDS thonë se janë duke bërë investime masive në rrjetin elektrik në Komunën e Skenderajt. Investimet, sipas zëdhënësit Viktor Buzhala, përfshijnë edhe fshatin Lubovec

Naim Haliti nga Luboveci i Skenderajt e di se kur do ta fillojë vjeljen e mjedrës, por nuk e di se ku do t’i ruajë ato. Nëse i ruan në frigoriferët pranë plantacionit ku kultivon rreth 2 hektarë mjedra rrezikon që ato t’i prishen shkaku i rrymës së dobët.

“Do të thotë, me mjedrat – siç jeni duke i parë – edhe 1 muaj ditë do të fillojmë me vjelje, këtë vit presim t’i marrim diku 15 mijë deri në 20 mijë kilogramë dhe nëse nuk i ruajmë këto humbjet do të jenë të paparashikueshme. Jemi në kredi dhe do ta kemi vështirë që t’i paguajmë këstet e kredisë”, thotë Haliti.