Arbëri

Qeveria synon liberalizimin e vizave nëpërmjet luftimit të korrupsionit

 
Ky tekst është Premium por sot mund ta lexoni pa pagesë!

Strategji për të informuar qytetarët rreth liberalizimit të vizave ka planifikuar Qeveria Kurti. Në programin qeverisës, Ekzekutivi përmend se për të arritur këtë synim, duhen rezultate në luftimin e korrupsionit, e në funksion të saj nevojitet integritet, kredibilitet dhe funksionim normal i sistemit të drejtësisë

Rezultatet në luftën kundër korrupsionit dhe krimit të organizuar, Qeveria Kurti i ka vlerësuar si thelbësore për liberalizimin e vizave. Në programin qeverisës, Ekzekutivi përmend se për të arritur këtë synim nevojitet integritet, kredibilitet dhe funksionim normal të sistemit të drejtësisë.

Në mesin e tri iniciativave të premtuara, Qeveria është zotuar se do të shmangë ndikimin politik në drejtësi përmes respektimit të parimit për ndarjen e pushteteve. Brenda një periudhe afatshkurtër, Ekzekutivi ka marrë përsipër kompletimin e kornizës së politikave për sistemin e drejtësisë, kurse në periudhë afatmesme procesin e vetingut për sektorin e drejtësisë dhe sigurisë.