Prokuroria Themelore në Prizren të enjten ka njoftuar se ka ngritur 27 aktakuza kundër 27 personave për rastet e uzurpimeve të pronës së Hekurudhës në Komunën e Prizrenit. Po ashtu, ka bërë të ditur se ka marrë aktvendimin për nisjen e hetimeve ndaj 13 personave, për shkak të dyshimit se kanë kryer veprat penale “keqpërdorim i pozitës apo autoritetit zyrtar”, “punimet ndërtimore të kundërligjshme” dhe “uzurpimi i paligjshëm i pronës së paluajtshme”.
Burimet brenda Prokurorisë në Prizren kanë bërë të ditur se 27 aktakuzat janë ngritur kundër personave privatë që dyshohen për uzurpim të pronës së Hekurudhës, përderisa hetimet janë iniciuar kryesisht ndaj ish-zyrtarëve apo zyrtarëve të Komunës së Prizrenit, shkruan sot Koha Ditore.
Në një komunikatë të Prokurorisë Themelore të Prizrenit është sqaruar se aktakuzat janë ngritur pas hetimeve të kryera lidhur me 51 kallëzimet penale të bëra nga kompania për menaxhim të infrastrukturës hekurudhore – “Infrakos”.
(Artikullin e plotë mund ta lexoni në numrin e sotëm të Kohës Ditore)
-
27 aktakuza për uzurpimin e pronës së Hekurudhës në Prizren
-
Prokuroria ngre 18 aktakuza ndaj uzurpatorëve të pronës së “Infrakosit”
-
5 ish-zyrtarë komunalë dhe 2 zyrtarë të “Infrakosit” akuzohen për degradimin e hekurudhës
-
Aktakuzë kundër shtatë zyrtarëve në Prizren për keqpërdorim të pozitës apo autoritetit zyrtar
-
Prokuroria ende heton zyrtarët që dhanë leje për ndërtimet afër hekurudhës në Prizren