Arbëri

Mësimdhënësit e Kosovës s’do të vaksinohen në Shqipëri, presin kontingjentin e dytë të vaksinave

Mësimdhënësit e Kosovës s’do të vaksinohen në Shqipëri, presin kontingjentin e dytë të vaksinave
 

Mësimdhënësit e Kosovës nuk do të vaksinohen në Shqipëri pavarësisht diskutimeve që kishin pasur kryeministrat e dy vendeve. Ata do të presin kontingjentin e dytë të vaksinës “AstraZeneca”, nëpërmjet programit COVAX, është bërë e ditur në një komunikatë të Ministrisë së Arsimit, pas takimit që ministrja Arbërie Nagavci ka pasur me përfaqësues së Sindikatës së Bashkuar të Arsimit dhe Kulturës.

Në takim është biseduar për gjendjen aktuale në arsim dhe procesin mësimor në kushte të pandemisë dhe vështirësitë me të cilat ballafaqohen mësimdhënësit.