Arbëri

Pranim-dorëzimi i detyrës së kryeministrit, të martën në orën 10:00

Kryeministri i ri Albin Kurti do të pranojë detyrën nga tashmë ish-kryeministri Avdullah Hoti, të martën në orën 10:00, kanë bërë të ditur burimet e KOHËS.

Të hënën në mbrëmje, Kurti u zgjodh për herë të dytë kryeministër. Qeveria e udhëhequr nga ai mori 67 vota të deputetëve.

Kurti ishte kryeministër edhe më 2020, nga shkurti deri në qershor, kur u pasua nga Hoti.

Ndërkohë, Hoti ka paralajmëruar se do të marrë pjesë në ceremoninë e pranim-dorëzimit të detyrës dhe se do ta njoftojë Kurtin me gjitha punët që sipas tij janë bërë apo kanë ngelur në gjysmë.