1 perditesime
12:19

Shoqata e Transportit rrugor pezullon grevën

Shoqatat e Transportit rrugor të udhëtarëve sot marshit-protestues me autobusë, ka pezulluar përkohësisht grevën në shenjë solidarizimi me qytetarët nga moti ftohtë.

Kryetari i kësaj shoqate Ruzhdi Kurtishaj theksoi se pezullimi i grevës dhe protestës nuk do të thotë që heqin dorë nga kërkesat e tyre, por siç tha ai ky vendim ka ardhur për shkak të motit të ligë.

Kryetari i kësaj Shoqate, Ruzhdi Kurtishaj, ka deklaruar se do t’i japin kohës qeverisë në ardhje dhe avancimit të dialogut publiko-privat, derisa ka shtuar për ndonjë vendim tjetër të këshillit organizativ protestues do dalin paraprakisht me njoftim.

10:39

Transportuesit nuk heqin dorë nga kërkesat e tyre, qarkullim të autobusëve s’ka as sot

KosovaPress - Bojkotimi i punës dhe greva e operatorëve të transportit publik po vazhdon edhe sot. Në ora 12:00 në sheshin “Skënderbeu” në Prishtinë, përkatësisht para Qeverisë, drejtues të Shoqatës së Transportuesve Rrugor të Udhëtarëve do të bëjnë një paraqitje publike para mediave në shenjë proteste për mos subvencionimin nga Qeveria në detyrë e Kosovës.

Marshi-protestues me autobusë i paraparë për sot nga kjo shoqatë ka filluar në orën 10:00.

Kryetari i kësaj shoqate Ruzhdi Kurtishaj theksoi për KosovaPress se nuk heqin dorë nga grevat dhe protesta deri në realizimin e marrëveshjes për subvencionim nga Qeveria.

Ndërsa, në shenjë proteste për mos subvencionimin nga Qeveria në detyrë, rreth 250 kompani të autobusëve kanë protestuar të premten në Prishtinë.

Derisa prej të mërkurës, Shoqata e Transportit Rrugor të Udhëtarëve, ka ndalur qarkullimin e autobusëve.