1 perditesime
Arbëri

Presidenca konfirmon, seanca konstituive më 22 mars

Presidenca konfirmon, seanca konstituive më 22 mars
15:45

Presidenca konfirmon, seanca konstituive më 22 mars

U.d. e presidentes Vjosa Osmani, ka caktuar seancën konstituive të Legjislaturës së VIII të Kuvendit të Kosovës më 22 mars.

Seanca do të mbahet në ora 10:00, ndërsa është thënë se përgatitjet për mbajtjen do të kryhen konform procedurave në fuqi.

“U.d. Presidentja Vjosa Osmani, në pajtueshmëri me Kushtetutën e Kosovës dhe legjislacionin në fuqi, pas certifikimit të rezultateve nga KQZ-ja, ka caktuar për datën 22 mars (e hënë) seancën konstituive të Legjislaturës VIII të Kuvendit të Kosovës, të dalë nga zgjedhjet e 14 shkurtit. Kjo seancë do të mbahet në orën 10:00, teksa përgatitjet për mbajtjen e saj do të kryhen konform procedurave në fuqi”, thuhet në njoftimin e Presidencës.

15:17

Seanca konstituive më 22 mars

Nesër do të mblidhet Kryesia e Kuvendit për të vendosur për caktimi ne datës së seancës konstituive të legjislaturës së re.

Burime të KOHËS brenda këtyre zhvillimeve kanë njoftuar se seanca konstituive, ku do të bëhet konstituimi i Kuvendit dhe betimi i deputetëve, do të mbahet më 22 mars.

KOHA ka raportuar më herët se më 25 mars planifikohet të votohet Qeveria e re.

Sot kreu i Lëvizjes Vetëvendosje, Albin Kurti dhe u.d. e presidentes Vjosa Osmani, janë takuar me u.d. e kryetarit të PDK-së, Enver Hoxhajn dhe kryetarin e AAK-së, Ramush Haradinaj. Në ditët në vijim pritet të takohen edhe me kryetarin e ri të LDK-së, Lumir Abdixhiku.

LVV-ja në zgjedhjet e 14 shkurtit ka fituar bindshëm, me mbi 50 për qind të votave.