1 perditesime
14:59

KEDS-i kërkon që të kursehet energjia elektrike

KEDS-i ka kërkuar nga qytetarët e Kosovës që të kursejnë maksimalisht energjinë elektrike sot në mënyrë që të ketë furnizim të qëndrueshëm dhe funksionim normal të rrjetit.

KEDS-i përmes një njoftimi për media ka bërë të ditur se mbi 1300 punëtorë të terrenit janë në gjendje gatishmërie për të intervenuar në secilin rast që mund të paraqitet nevoja.

“Ekipet tona po përcjellin nga afër secilën qendër të votimit për tu siguruar që furnizimi me energji elektrike të jetë stabil dhe pa ndërprerje. Mbi 1300 punëtorë të terrenit janë në gjendje gatishmërie për të intervenuar në secilin rast që mund të paraqitet nevoja. KEDS bën apel për kursim maksimal të energjisë elektrike në mënyrë që të ketë furnizim të qëndrueshëm dhe funksionimin normal të rrjetit”, thuhet në njoftim.

12:44

KEDS: Furnizimi me energji elektrike është stabil

KEDS-i njofton se situata me furnizim me energji elektrike edhe gjatë ditës së sotme vazhdon të jetë stabile.

Përmes një statusi në Facebook KEDS-i njofton se ka në dispozicion rreth 70 gjeneratorë mobilë të cilët shfrytëzohen në rast të ndonjë të papriture në rrjet.

“KEDS ka në dispozicion rreth 70 gjeneratorë mobil, të cilët do të shfrytëzohen në rast të ndonjë të papriture në rrjet në mënyrë që mbarëvajtja e procesit të votimit të vijoj sipas planifikimeve. Krahas kësaj, KEDS ka instaluar në qendrat e votimit 1000 bateri emergjente, të cilat do të vihen në përdorim në rast nevoje. Të njëjtat pas përfundimit të votimit, do t’i lihen në shfrytëzim shkollave”, thuhet në njoftimin e KEDS-it.