U.d. presidentja e Kosovës, Vjosa Osmani, ka përshëndetur aktin e lidhjes së marrëdhënieve diplomatike mes Kosovës dhe Izraelit.
Ceremonia është paralajmëruar nga Kryeministria për sot në ora 14:30, ndërsa nga ora 15:15 është paralajmëruar konferencë e përbashkët për media e kryeministrit në detyrë Avdullah Hoti dhe ministres së Jashtme në detyrë, Meliza Haradinaj.
“Marrëdhëniet ndërmjet dy popujve tanë kanë qenë historikisht të fuqishme e të bazuara në solidaritet dhe miqësi. Akti i lidhjes së marrëdhënieve diplomatike hapë rrugën për thellimin e bashkëpunimit dypalësh ndërinstitucional si dhe në fusha të tjera të interesit të përbashkët”, thuhet në deklaratë të Osmanit.
