Arbëri

Lavrov: BE-ja të kuptojë përgjegjësinë e saj për formimin e Asociacionit

Lavrov: BE-ja të kuptojë përgjegjësinë e saj për formimin e Asociacionit
Foto: REL
 

Rusia shpreh keqardhje që Bashkimi Evropian (BE) nuk mund të ndikojë në përmbushjen e marrëveshjeve të arritura më parë, në negociatat midis Beogradit dhe Prishtinës, para së gjithash, për formimin e Asociacionit të Komunave Serbe në Kosovë, tha ministri i Punëve të Jashtme i Rusisë, Sergey Lavrov, pas takimit me ministrin e Jashtëm serb, Nikolla Selakoviq, të martën në Beograd.

"Ne besojmë se një qëndrim i tillë tregon pafuqinë karshi veprimeve të Prishtinës dhe ne ende i bëjmë thirrje BE-së që të kuptojë plotësisht përgjegjësinë për përmbushjen e asaj që u ra dakord me ndërmjetësimin e saj”, tha Lavrov.