Familja Rakovica ka reflektuar mbi të kaluarën e hidhur dhe të tashmen e sigurt, 25 vjet pasi iku nga Kosova drejt Zelandës së Re.
Burim Rakovica, gruaja e tij shtatzënë dhe gjashtë vajzat e tyre u larguan nga Kosova për në Auckland në vitin 1999.
Burimi u emocionua teksa kujtoi frikën e vazhdueshme nga përditshmëria në vendlindje gjatë luftës.
"Duhej të fshiheshim. Çdo ditë nuk ndiznim dritat”, rrëfen kryefamiljari për 1News.
“Ata [forcat serbe] na shkatërruan veturën vetëm për të parë nëse kemi fshehur gjërat në zona të ndryshme”, thotë vajza e Burimit, Marigona Rakovica, duke fshirë lotët.
“Shikonim jashtë... kishte të shtëna armësh në të gjithë shtëpinë tonë”, rrëfen mes lotëve ajo.
Edhe
Rita Ora: Jam krenare që jam emigrante
Sot, familja Rakovica iu bashkua komunitetit shqiptar në Zelandë të Re për mbjelljen e pemëve në Qendrën për Zhvendosjen e Refugjatëve.
“25 vjet ikën kaq shpejt sepse jeta është shumë e bukur, shumë e mirë. Faleminderit qeverisë. Ata na japin mundësi për të rritur fëmijët tanë. Ne jemi krenarë që jemi këtu dhe falënderojmë njerëzit e Zelandës së Re”, përfundon rrëfimin Burim Rakovica.
