Policia në Shqipëri paralajmëroi të hënën kundër mbajtjes së protestave për vrasjen e një qytetari nga një zyrtar policor.
Në deklaratën e lëshuar për media, Policia përmendi “situatën shqetësuese të shkaktuar nga pandemia e koronavirusit” dhe kërkoi që secili t’i respektojë masat e izolimit, të ndërmarra nga autoritetet shëndetësore.
Këto masa përfshijnë ndalimin e tubimit të më shumë se dhjetë personave në publik, orë policore gjatë natës, mbajtje të maskave dhe distancë fizike.
Qytetarët e Shqipërisë i kanë sfiduar këto masa dhe kanë protestuar qëkur Policia ka vrarë Klodian Rashën, 25 vjeç, në orët e para të së martës së kaluar.
Policia ka thënë se Rasha i ka injoruar thirrjet e zyrtarëve për të ndaluar dhe se ka vrapuar.
Një oficer policie është arrestuar dhe po hetohet.
Në deklaratën e Policisë, të publikuar të hënën, thuhet se autoritetet “nuk do të tolerojnë asnjë tubim që bie ndesh me kufizimet ekzistuese”.
Protestat e qytetarëve në disa raste janë shndërruar në të dhunshme dhe disa protestues janë ndaluar.
Kryeministri i Shqipërisë, Edi Rama, ka kërkuar falje për vrasjen e Rashës, ndërsa ministri i Brendshëm, Sandër Lleshaj, ka dhënë dorëheqjen të enjten.
Por, kjo nuk i ka qetësuar protestuesit, të cilët kërkojnë edhe dorëheqjen e shefit të Policisë dhe lirimin e atyre që janë arrestuar gjatë përleshjeve me Policinë.
Protestat janë përqendruar kryesisht në Tiranë, por ka pasur edhe në qytete të tjera. \ Rel
