Arbëri

Keqmenaxhim me kredi, Qeveria pagoi rreth 750 mijë euro si “ndëshkim” për ngecje

Keqmenaxhim me kredi, Qeveria pagoi rreth 750 mijë euro si “ndëshkim” për ngecje
 

Rreth 750 mijë euro të taksapaguesve janë shpenzuar nga Qeveria e Kosovës si “ndëshkim” për mostërheqjen e mjeteve të kredisë nga institucionet financiare ndërkombëtare dhe ngecjeve në zbatimin e projekteve.

Sipas të dhënave të Ministrisë së Financave për periudhën janar-shtator të këtij viti, borxhi i përgjithshëm publik ka arritur në 1 miliard e 341 milionë euro, prej të cilave, borxhi ndërkombëtar është 407 milionë euro, ndërsa borxhi i brendshëm ka arritur në 934 milionë.