Arbëri

Sulmuesi nga Vjena shkoi në Sllovaki për t’u pajisur me armë

Sulmuesi nga Vjena shkoi në Sllovaki për t’u pajisur me armë

Sipas një hulumtimi të mediave gjermane Kujtim F. gjatë verës shkoi në Sllovaki për t’u pajisur me municion, por s’pati sukses. Autoritetet sllovake paralajmëruan kolegët austriakë, të cilët dështuan të ndalin terroristin e ardhshëm. Pyetja është se nga e siguroi municionin dhe armët Kujtim F.?

 

Sipas një hulumtimi të mediave gjermane Kujtim F. gjatë verës shkoi në Sllovaki për t’u pajisur me municion, por s’pati sukses. Autoritetet sllovake paralajmëruan kolegët austriakë, të cilët dështuan të ndalin terroristin e ardhshëm. Pyetja është se nga e siguroi municionin dhe armët Kujtim F.?

Pas sulmit në Vjenë të kryer nga terroristi vjenez me shtetësi austriake dhe maqedonase mediat gjermane kanë vënë në lëvizje tërë aparatin e tyre hulumtues. Rrjeti i përbashkët hulumtues i “Süddeutsche Zeitung” dhe televizioneve NDR dhe WDR njofton se ka indikacione se disa persona kanë qenë të involvuar në përgatitjen e sulmit në Vjenë. Nga qarqet hetuese ky rrjet ka mësuar se atentatori ka shkuar në Sllovaki gjatë verës së këtij viti për të siguruar municion për kallashnikovin e tij AK-47. Kjo armë ka qenë tepër e përhapur në konfliktet e viteve 90-të në ish-Jugosllavi. Me këtë armë atentatori hapi zjarr të hënën në mbrëmje në qendër të Vjenës, me ç’rast u vranë 4 persona dhe u plagosën 22 veta, disa rëndë.