Shkon në tre numri i viktimave kosovare nga tërmeti në Turqi

Ka shkuar në tre numri i viktimave me origjinë kosovare nga tërmeti në Turqi. Ambasadori i Kosovës në Ankara, Ilir Dugolli, e ka konfirmuar për “ABC News” numrin e viktimave, duke treguar se viktimat me origjinë nga Kosova janë Nazmiye Dograyan (64), Hatixhe Dogruja (70) dhe Bajram Dogruja (73).

Shqiptarët nga Kosova, të larguar nga Prishtina që nga viti 1956 dhe të vendosur në Izmir, nuk kanë mundur t’i mbijetojnë tërmetit.

Ndërkohë në gjendje të rëndë në spital ndodhet djali i Nazmije Dograyanit, Malik Tahirleri, që është futbollist.

Ambasada e Kosovës në Ankara ka njoftuar se është shënuar edhe viktima e dytë me origjinë nga Kosova si pasojë e tërmetit në Izmir të Turqisë.

Sipas ambasadës, viktima nga familja Dograyan, prej së cilës është konfirmuar edhe viktima e parë.

“Nga komunikimet e vazhdueshme, Ambasada e Republikës së Kosovës në Ankara është informuar se dy persona me origjinë nga Kosova nga familja Doğrayan në Izmir kanë ndërruar jetë si pasojë e tërmetit. Mund të konfirmojmë se deri më tani nuk ka të dhëna për shtetas të RKS”, thuhet në njoftim.Bottom of Form

Është shënuar viktima e parë kosovare nga tërmeti shkatërrues që tronditi Turqinë dje.

Ambasadori i Shqipërisë në Turqi, Kastriot Robo, ka njoftuar se viktima është 62-vjeçarja Nazmiye Dograyan (62) me origjinë nga Kosova është gjetur nën rrënoja me djalin e saj pas 24 orëve kërkime, raporton “Abcnews.al”.

Lajmin e ka konfirmuar edhe Besmira Bylykbashi që studion dhe jeton prej disa vjetësh në Izmir.

“Nëna dhe djali u gjetën të përqafuar në rrënoja. Nëna e kishte mbuluar djalin me trupin e saj. Djali 28-vjeçar është në gjendje të rëndë për jetën”, ka thënë ajo.

Numri i viktimave nga tërmeti në Turqi ka arritur në 37, 35 në Turqi e dy në ishullin grek Samos.