2 perditesime
12:48

Gastronomia dhe qendrat tregtare mbyllen nga ora 21:00

Ka përfunduar mbledhja e Komitetit për vlerësim dhe koordinim të situatës epidemiologjike rreth COVID-19 me ç’rast është marrë vendim gastronomia dhe qendrat tregtare do të jenë të mbyllura nga ora 21:00-05:00.

Ky vendim do të hyj në fuqi nga momenti i nënshkrimit të ministrit Zemaj dhe vlen për dy javët e ardhshme, deri në vlerësimin e radhës të situatës me COVID-19.

“MSH, IKSHPK e Komiteti duhet të veprojmë të gjithë së bashku. Numri i lart i infektimeve na obligon të marrim masa. Masat të cilat i kanë propozuar bashkërisht, kanë të bëjnë që është e domosdoshme të reduktohet numri i stafit në institucionet publike dhe private. Shëndetësia dhe siguria duhet të punojnë me kapacitete të plota”, ka thënë Zemaj, raporton KOHA.

Ai ka shtuar se personat me sëmundje kronike dhe mbi moshën 60 vjeçare do t’u ndalohet paraqitja në punë.

Derisa personave mbi moshën 65 iu lejohet dalja nga ora 06:00-10:00 dhe nga 16:00-19:00, jashtë këtij orari lejohen vetëm për nevoja shëndetësore.

“Ligjëratat në universitete të zhvillohen vetëm online edhe publike edhe private. Të gjitha qendrat tregtare do t’u ndalohet veprimtaria nga ora 21 deri në 5 të mëngjesit. Gastronomia u ndalohet nga ora 21 deri në 5. Është në diskutim që ekipet mjekësore a do të duhet të bëjnë kontrolle në pika kufitare. Konviktet dhe menza e studentëve do të punojnë vetëm duke respektuar masat. Për të gjithë shkelësit e këtyre masat do të ndëshkohen. Vendimet që do të merren do të shqyrtohen brenda dy jave”, ka thënë Zemaj.

11:12

Nis mbledhja e Komitetit për menaxhimin e pandemisë, priten masa të reja

Ka filluar takimi i 26-të i Komitetit për Menaxhimin e pandemisë Covid-19, ku pritet të ndryshohen disa masa, pas rritjes së numrit të të infektuarve.

Të pranishëm në këtë mbledhje janë ministri i Punëve te Brendshme, Agim Veliu, dhe ministri i Arsimit, Ramë Likaj.

08:54

Sot mblidhet Komiteti për vlerësim të situatës me COVID-19

Sot Ministria e Shëndetësisë do të mbledhë komitetin për vlerësim dhe koordinim të situatës epidemiologjike rreth COVID-19, ku do t’i shqyrtojnë propozimet për masat e reja parandaluese.

Ndërkohë të premten 418 raste të reja me COVID-19 janë konfirmuar në Kosovë, shifër kjo më e larta ditore që nga fillimi i pandemisë para 7 muajsh. Gjithashtu, janë shënuar 4 viktima, transmeton KOHA.

Zyrtarët shëndetësorë kanë kërkuar respektim të rekomandimeve të IKSHPK-së, për të mos shkuar në ashpërsim të masave, derisa kanë thënë se është shqetësuese rritja e numrit të pacientëve të infektuar me COVID-19 që po kërkojnë trajtim spitalor.

Që nga fillimi i pandemisë, në Kosovë janë infektuar 19.328 persona, prej të cilëve 678 kanë vdekur, ndërsa 15.434 janë shëruar.