-
Nga:
Augustin Palokaj
- 27 gusht 2020 18:34
- Shpërndaje në:
Dialogu mes Kosovës e Serbisë, në nivel ekspertësh është duke vazhduar në këto momente në selinë e shërbimit të veprimit të jashtëm të Bashkimit Evropian në Bruksel. Sipas burimeve të Bashkimit Evropian, por edhe të palëve, temë e diskutimit sot janë çështja e të zhdukurve dhe tema e bashkëpunimit ekonomik, raporton KOHA.
Të dyja këto tema ishin në tryezën e diskutimit edhe në takimin e fundit që ishte zhvilluar në fund të muajit korrik në Bruksel.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjatë ditës palët së pari kanë pasur takime bilaterale me përfaqësues të BE-së për të vazhduar pasdite me takime trepalëshe, me temat e dialogut në praninë e të dyja palëve dhe ndërmjetësuesit nga BE-ja.
Takimi vjen një javë para takimit të nivelit të lartë në Uashington, i ftuar nga SHBA-ja. Evropa e sheh takimin në SHBA si ndihmë në dialog dhe jo si garë.
Kosova po përfaqësohet në këtë takim nga koordinatori shtetëror për dialog, Skënder Hyseni. Ndërsa Serbia ka përfaqësues Marko Gjuriq, drejtorin e Zyrës për Kosovën në Qeverinë e Serbisë.