Arbëri

Haki Rugova: Gjendja shëndetësore e Isa Mustafës është stabile

Nënkryetari i Lidhjes Demokratike të Kosovës Haki Rugova, ka folur për gjendjen shëndetësore të kryetarit të partisë, Isa Mustafa, i cili është i prekur me COVID-19.

Rugova ka thënë se gjendja shëndetësore e Mustafës është stabile.

“Gjendja e kryetarit të LDK-së, Isa Mustafa është stabile dhe do ta kalojë edhe këtë sfidë”, u shpreh ai.

Rugova ka folur edhe për rastet aktive në këtë komunë, teksa ka thënë se 12 qytetarë janë të infektuar me koronavirus.

“Në Istog për momentin janë 12 raste aktive dhe 3 qytetarë që kanë bërë testin jashtë Institutit. Nuk ka asnjë në gjendje të rëndë dy janë të shtrirë në spital. Gjendja është e mirë në kuptimin e menaxhimit, por si Shtab kemi qenë aktiv”, u shpreh ai për EO.