Arbëri

Vëllai i të ndjerës nga Rahoveci akuzon dhëndrin se ushtronte dhunë për vite të tëra

Tash e një vit është duke vazhduar gjykimi për vdekjen e H.D. nga Rahoveci, derisa i dyshuari kryesor, bashkëshorti i së ndjerës Ilir Haxhiaj, po mbahet në paraburgim, pasi që ende janë duke dëshmuar persona të ndryshëm të ndërlidhur me këtë rast.

Ilir Haxhiaj akuzohet vetëm për veprën “lëndim i rëndë trupor”, edhe pse rrahja brutale në mes të rrugës gjatë qershorit të vitit të kaluar çoi në vdekjen e H.D., 2 javë më vonë, raporton KOHA.