Kryeministri i sapozgjedhur i Kosovës, Avduallah Hoti, dy vjet më parë kishte deklaruar se asnjë qeveri e Kosovës nuk mund të jetë stabile, kur shumica e thjeshtë prej 61 votave në Kuvend varet nga deputetët e Listës Serbe, të cilët janë bërë instrument i Beogradit.
Këtë qëndrim ai e kishte shprehur përmes një postimi të tij në Facebook.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor, sot ishin pikërisht votat e Listës Serbe që i siguruan pozitën e kryeministrit, në një Qeveri në të cilën një rol të rëndësishëm do të ketë pikërisht kjo parti.
Më 27 mars 2018 Hoti kishte shkruar se në asnjë rast LDK-ja nuk do të lejonte që Lista Serbe të përcaktonte fatin politik të Kosovës.
“LDK-ja, në asnjë rast, nuk do të lejojë që deputetët e Listës Serbe ta përcaktojnë fatin politik të Kosovës”, kishte shkruar Hoti ndër të tjera.
Ky postim i tij është duke u shpërndarë tani në rrjetet sociale, derisa ka marrë kritika edhe nga deputetë të Vetëvendosjes.
