Që prej mocionit të mosbesimit, Lëvizja Vetëvendosje ka insistuar në mbajtjen e zgjedhjeve të reja, menjëherë pas tejkalimit të situatës me pandeminë.
Në faqen e tyre në Facebook VV-ja ka postuar një video përmes së cilës aktivistët e kësaj partie kanë demonstruar një proces votimi në kohë pandemie.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas tyre, votimi në një kohë pandemie nuk ndryshon edhe aq prej atij pa të.
Përveç kujdesit të shtuar, Vetëvendosje thotë se gjithçka tjetër është e ngjashme.
“Aktivistët e Lëvizjes Vetëvendosje të frymëzuar nga forma e organizimit të zgjedhjeve në Koren e Jugut, të mbajtura me 15 prillit 2020, kanë inskenuar një proces të ngjashëm zgjedhor”, thotë kjo parti.
Procesin e votimit e kanë ndarë në dy hapa.
1. Votuesit duhet të kenë maska dhe të qëndrojnë 1.5 metra larg njëri-tjetrit gjatë kohës së pritjes në radhë.
2. Votuesve do të u matet temperatura në hyrje të klasës:
“Nëse temperaturën e ka deri në 37.5 gradë celsius, votuesi mund të votoj në atë klasë me procedura sikur nga e kaluara vetëm me disa masa shtesë të sigurisë. Nëse temperaturën e ka më shumë se 37.5 gradë celsius, atëherë votuesi do të ndahet në një klasë tjetër ku i gjithë stafi i KQZ-së do të jetë i pajisur me veshje kundër pandemisë COVID-19. Pas votimit ai/ajo shoqërohet për t’i bërë analizat”, thotë VV-ja.
Sipas tyre, zgjedhjet janë e vetmja zgjidhje.
“Këtu e 28 vite më parë po mbaheshin zgjedhjet e para në Kosovën e okupuar. Ndonëse nën shtetrrethim nga Serbia e pa institucione, populli i Kosovës arriti t’i organizoj zgjedhjet e para në vend. Tani mundësitë janë edhe më të mëdha dhe se zgjedhjet janë e vetmja zgjidhje”.