Arbëri

Nëntë pacientë me COVID-19 të shtrirë në Infektivë, një në gjendje kritike

Nëntë pacientë me COVID-19 të shtrirë në Infektivë, një në gjendje kritike

Nëntë pacientë me koronavirus po trajtohen në Klinikën Infektive në Kosovë, tre prej tyre janë në kujdes intensiv, ndërsa një 59-vjeçar është në gjendje kritike.

Është raportuar se të gjithë të infektuarit kanë edhe sëmundje tjera shoqëruese.

“Në Klinikën Infektive janë të shtrirë nëntë pacientë me COVID-19, ndërsa prej tyre në mjekim intensiv janë tre pacientë. Njëri prej tyre është i intubuar në gjendje tejet të rëndë dhe kritike mund të themi. Dy të tjerë janë me oksigjeno-terapi, por po trajtohen në mjekimin intensiv. Ndërsa nëpër reparte tjera kemi një pacient në gjendje më të rëndë që është me oksigjeno-terapi dhe një pacient tjetër që kohë pas kohe duhet të asistohet me oksigjeno-terapi. Pacientët në mjekimin intensiv janë të moshës 59-vjeçare, 71-vjeçare dhe 72-vjeçare”, ka thënë infektologia Vera Berisha-Ndreja për “KosovaPress”.