Arbëri

Kurti e Meta diskutojnë për forcim të marrëdhënieve në tregti e ekonomi

Kurti e Meta diskutojnë për forcim të marrëdhënieve në tregti e ekonomi

Situata me koronavirus në Kosovë e Shqipëri, nevoja për forcim të marrëdhënieve në tregti e ekonomi dhe bashkëpunimi në nivel rajonal e ndërkombëtar për përfaqësim, promovim e mbrojtje të interesave të përbashkëta kanë qenë temat e një bisede telefonike mes kryeministrit në detyrë të Kosovës, Albin Kurtit, dhe presidentit të Shqipërisë, Ilir Meta.

Sipas një njoftimi nga Zyra e Kryeministrit, dy liderët kanë folur fillimisht për veprimet që dy vendet kanë marrë në parandalimin e përhapjes dhe menaxhimin e infeksioneve të shkaktuar nga koronavirusi dhe për bashkëpunimin që kanë pasur gjatë ballafaqimit me pandeminë.