Policia ndalon 17 persona, nuk respektuan masat e kufizimit të lëvizjes

Policia e Kosovës në kuadër të masave për parandalimin e shpërndarjes së koronavirusit, ka ndaluar 17 persona në 13 raste të ndryshme në disa komuna të Kosovës të cilët nuk kanë vepruar sipas dispozitave shëndetësore gjatë pandemisë.

Sipas njoftimit nga Policia, në Prizren janë ndaluar tetë persona në shtatë raste të ndryshme. Në Mitrovicën e veriut tre persona në një rast, në Gjilan dy persona në dy raste, në Prishtinë dy persona në një rast dhe në Mitrovicë një person në një rast.