Arbëri

Syla: Sistemit shëndetësor në Kosovë i mungojnë 5 mijë mjekë

 

Dy infermierë dhe një mjek nga spitali rajonal i Gjakovës kanë rezultuar pozitivë me COVID-19. E kjo ka shqetësuar tej mase Federatën Sindikale të Shëndetësisë së Kosovës, e cila vlerëson se Kosova nuk ka kapacitete të plota për mbrojtjen e mjekëve që janë në vijën e parë të frontit për luftimin e koronavirusit.

Kryetari i FSShK-së, Blerim Syla, në një intervistë për KosovaPress, ka ngritur shqetësimin për shëndetin e mjekëve, infermierëve, por edhe stafit përcjellës, të cilët janë të angazhuar në nivel vendi për shërimin e pacientëve më COVID-19.