Arbëri

Në maj finalizohet Ligji antimafia, e në qershor Pakoja kundër korrupsionit

Në maj finalizohet Ligji antimafia, e në qershor Pakoja kundër korrupsionit

Qeveria Kurti ka në plan që gjatë 2020-s t’i hartojë 118 projektligje, me disa prej të cilave plotësohen dhe ndryshohen ligjet ekzistuese. Prioritet të lartë i ka dhënë finalizimit të Pakos ligjore kundër korrupsionit.

Mbështetur në një draft të Programit legjislativ, të cilin e ka siguruar “Koha Ditore” të mërkurën, deri në fund të qershorit do të procedohet Projektligji për deklarimin, prejardhjen dhe kontrollin e pasurisë së zyrtarëve të lartë publikë, e edhe Projektligji për Agjencinë Kundër Korrupsionit. Ndërkaq, një muaj më parë, edhe Projektligji antimafia, përkatësisht ai për konfiskimin e pasurisë së pajustifikueshme. Që të tria do të sponsorizohen nga Ministria e Drejtësisë, shkruan sot “Koha Ditore”.