Arbëri

Dy kompani kërkojnë që të vazhdojnë procedurat e tenderit për furnizim me harduerë për SISH-in

Dy kompani kërkojnë që të vazhdojnë procedurat e tenderit për furnizim me harduerë për SISH-in

Njëra prej arsyeve që ka dhënë Ministria e Administratës Publike (MAP) me rastin e anulimit të tenderit për furnizim me harduerë për nevojat e Ministrisë së Shëndetësisë - Sistemin Informativ Shëndetësor, është se për këtë procedurë vlera e paraparë e së cilës ka qenë 750 mijë euro, për vitin 2020 nuk është paraparë asnjë cent.

Këtë arsye e ka dhënë Agjencia e Shoqërisë së Informacionit (ASHI) në kuadër të MAP-it, e cila propozon dhe koordinon të gjitha politikat që ndërlidhen me teknologjinë e informacionit dhe të komunikimit në institucionet e Republikës së Kosovës, shkruan sot “Koha Ditore”.