Osmani: Formuam 55 grupe të miqësisë ku do të përfshihen të gjitha rajonet e botës

Osmani: Takimet me Presidentin ishin agjendë shtetërore, dallimet me të qëndrojnë

18 February 2020 12:44
12:49

Kryeparlamentarja Vjosa Osmani, gjatë deklarimit të saj për media, ka folur edhe për takimin djeshëm të saj, me Presidentin e Kosovë Hashim Thaçi.

Osmani takimet e djeshme me Presidentin Thaçi i ka quajtur agjendë shtetërore dhe se dallimet me të për çështje të caktuara, si çështja e kufijve ende qëndrojnë, transmeton KTV.

“Ta keni parasysh që ajo ka qenë agjendë shtetërore, asnjë nga organizimet dje nuk kanë qenë private. Dallimet tona me presidentin kanë qenë për çështje të caktuara si çështja e kufijve e ato dallime ende qëndrojnë”

12:44

Osmani: Formuam 55 grupe të miqësisë ku do të përfshihen të gjitha rajonet e botës

Kryeparlamentarja e Kuvendit të Kosovës, Vjosa Osmani ka deklaruar se sot në mbledhjen e kryesisë janë krijuar 55 grupe të miqësisë, nga të gjitha rajonet e botës

“Vendosem që të si funksionalizohen 55 grupe të miqësisë, të gjitha rajonet e botës janë të përfshira në këto grupe të miqësisë.

Synimi ynë në këtë legjislaturë është që grupet e miqësisë ti kemi sa më të angazhuara. Çështjet e tjera kanë qenë të natyrës teknike dhe nuk ka pas ndonjë gjë tjetër”, ka deklaruar Osmani, raporton KTV.

Osmani ka shtuar se për unifikimin e qëndrimeve në fushën politike të jashtme, është obligim politik por dhe kushtetues i të gjitha institucioneve të Kosovës.

“Sa i përket unifikimit të qëndrimeve në fushën politike të jashtme kjo është obligim politik e madje edhe kushtetues i të gjitha institucioneve.

Ndërtimi i politikës së jashtme bëhet nga qeveria në bashkëpunim me Kuvendin kurse konsultimi bëhet me presidentin e vendit. Unifikimi në politikën e jashtme dhe të flasim të gjithë me një zë është tejet e rëndësishme dhe kruciale për suksesin e Kosovës”, ka shtuar ajo.

© KOHA. Të gjitha të drejtat janë të rezervuara.

Komentet

Shto koment

Të ngjashme