Arbëri

Kosova s’ka regjistruar asnjë rast nga koronavirusi i ri, por cilat janë masat e parandalimit

Kosova s’ka regjistruar asnjë rast nga koronavirusi i ri, por cilat janë masat e parandalimit
Foto: Instituti Kombëtar i Shëndetësisë Publike të Kosovës

Instituti Kombëtar i Shëndetësisë publike të Kosovës thotë se po përcjellë në mënyrë aktive situatën epidemiologjike me sëmundje ngjitëse në tërë territorin e Republikës së Kosovës, e në veçanti është duke monitoruar nga afër epideminë e sëmundjes respiratore të shkaktuar nga një koronavirus i ri i identifikuar për herë të parë në Wuhan, Provinca Hubei, Kinë.

IKSHPK thotë se duke u bazuar në situatën aktuale epidemiologjike, informatat nga terreni, përgatitjet e institucioneve shëndetësore për t’u përballur me rastet eventuale të koronavirus, mungesa e linjave ajrore direkte me Kinën, rreziku për depërtimin eventual të virusit në Kosovë vazhdon të mbetet i ulët.