Deputeti Rexhep Selimi është propozuar të jetë shef i Grupit Parlamentar të Lëvizjes Vetëvendosje.
Koha.net mëson se një propozim i tillë pritet të votohet nga Këshilli i Përgjithshëm i kësaj partie.
Shef i këtij grupi, legjislaturën e kaluar ishte Glauk Konjufca i cili tash mban postin e të parit të Ministrisë së Punëve të Jashtme.
Lëvizja Vetëvendosje në zgjedhjet e 6 tetorit të vitit të kaluar ka marrë 29 ulëse në Kuvendin e Kosovës, duke u renditur kështu partia e parë.
