-
Nga:
Sanie Jusufi
- 31 janar 2020 08:15
- Shpërndaje në:
Katër aneks-kontratat për ndërtimin e autostradës Prishtinë-Gjilan-Dheu i Bardhë i janë bashkangjitur hetimit nga organet e drejtësisë. Para disa ditëve ka filluar intervistimi në cilësinë e të dyshuarve i shtatë zyrtarëve që kanë pasur përgjegjësi në këtë proces tenderimi.
Në mesin e tyre, në kallëzimin penal të dorëzuar nga Policia e Kosovës në Prokurorinë Speciale, siç merr vesh gazeta nga burime të Prokurorisë, është edhe sekretari i Ministrisë së Infrastrukturës, Betim Reçica, shkruan sot “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjatë hetimit, policia ka gjetur shkelje të ligjit nga ana e Ministrisë së Infrastrukturës në tenderin milionësh për ndërtimin e autostradës së Gjilanit. Shkelje është gjetur edhe në vendimin e fundit të OSHP-së, kur e ka rivlerësuar këtë tender.
“7 persona janë intervistuar në cilësinë e të dyshuarve. Në mesin e të dyshuarve është edhe sekretari i MI-së Betim Reçica. Këta persona kanë qenë anëtarë të dy komisioneve të vlerësimit të tenderëve”, kanë thënë burime të gazetës brenda Prokurorisë.
(Artikullin e plotë mund ta lexoni sot në “Koha Ditore”)