Partia Demokratike pjesë e listës së përbashkët të shqiptarëve në zgjedhjet në Serbi

Partia Demokratike pjesë e listës së përbashkët të shqiptarëve në zgjedhjet në Serbi

23 January 2020 15:19

Ministri në Detyrë për Evropën dhe Punët e Jashtme i Shqipërisë, Gent Cakaj, nëpërmjet një postimi në rrjetin social “Facebook”, ka bërë të ditur se marrëveshjes së paradoditshme të subjekteve politike shqiptare në Luginë të Preshevës për një listë të përbashkët në zgjedhjet parlamentare në Serbi, i është bashkuar edhe Partia Demokratike, raporton Koha.net.

“Sot marrëveshjes së unitetit politik të Luginës së Preshevës iu bashkua edhe Partia Demokratike. Në Ministrinë për Evropën dhe Punët e Jashtme, marrëveshjen e firmosi edhe kryetari i këtij subjekti, z. Nagip Arifi. Në takim nënvizuam edhe njëherë rëndësinë e patjetërsueshme të bashkimit politik e bashkëpunimit ndërpartiak në mbrojtje të interesave kombëtare e politikave zhvillimore në përgjithësi”, ka bërë të ditur Cakaj.

Ditë më parë, subjektet politike shqiptare u bashkuan në një platformë të quajtur “Alternativa Demokratike Shqiptare – Lugina e Bashkuar, me të cilën do të marrin pjesë në zgjedhjet parlamentare në Serbi.

Nëpërmjet marrëveshjes së nënshkruar, për herë të parë, Partia për Veprim Demokratik, Alternativa për Ndryshim, Partia Demokratike, Lëvizja Reforma në PDSH dhe Lëvizja e Progresit Demokratik, do të veprojnë me një program, sa herë do të jenë në pyetje parimet kombëtare dhe çështja e Luginës së Preshevës.

 

 

© KOHA. Të gjitha të drejtat janë të rezervuara.

Komentet

Shto koment

Të ngjashme