Arbëri

Pesë sindikata do të kërkojnë nga Kushtetuesja ta heqë pezullimin e Ligjit për Paga

Pesë sindikata do të kërkojnë nga Kushtetuesja ta heqë pezullimin e Ligjit për Paga
 

Pesë organizata sindikale kanë paralajmëruar se do t’i drejtohen këtë javë Gjykatës Kushtetuese me kërkesën që ta revokojë vendimin për pezullimin e Ligjit për Paga.

Kështu kanë vendosur të hënën drejtuesit e Sindikatës së Bashkuar të Arsimit, Federatës Sindikale të Shëndetësisë, Sindikatës së Policisë, Sindikatës së Doganës dhe Sindikatës së Zjarrfikësve. Sipas një njoftimi të përbashkët për media që e kanë lëshuar këto sindikata, këtë veprim po e bëjnë për të ruajtur paqen sociale, shkruan sot “Koha Ditore”.