KDI kërkon transparencë për marrëveshjen e fluturimeve direkte Prishtinë-Beograd

KDI kërkon transparencë për marrëveshjen e fluturimeve direkte Prishtinë-Beograd

20 January 2020 16:32

Sot është bërë e ditur arritja e një marrëveshjeje në mes të Kosovës dhe Serbisë, në ambasadën e SHBA-së në Berlin, për vendosjen e linjës së fluturimeve direkte Prishtinë-Beograd nëpërmjet kompanisë ajrore gjermane “Lufthansa”.

Deri tani, autoritetet kosovare kanë dhënë informacione të kufizuara lidhur me përmbajtjen e kësaj marrëveshjeje. Qytetarët e Kosovës janë të painformuar mbi përmbajtjen e saj dhe procesin vendimmarrës që i ka paraprirë arritjes së kësaj marrëveshjeje.

Për më tepër, publiku nuk ka informacion për implikimet që kjo marrëveshjeje mund të sjellë, p.sh. me çfarë dokumente udhëtimi do të mundësohet udhëtimi i qytetarëve në mes të këtyre dy kryeqyteteve dhe çështje të tjera që derivojnë nga kjo marrëveshje.

Sipas një njoftimi për media, KDI kërkon nga autoritetet e Republikës së Kosovës që të njoftojnë publikun mbi përmbajtjen e kësaj marrëveshjeje dhe implikimeve të saj. Duke vlerësuar angazhimin e vazhdueshëm dhe përfshirjen direkte të Shteteve të Bashkuara të Amerikës, në procesin e dialogut dhe normalizimin të marrëdhënieve midis Kosovës dhe Serbisë, KDI-ja u bën thirrje autoriteteve të Republikës së Kosovës që të përkushtohen për transparencë dhe llogaridhënie, si parakusht për rritjen e besimit të publikut në procesin e normalizimit.

© KOHA. Të gjitha të drejtat janë të rezervuara.

Komentet

Gezim21/01/2020 10:16

Lamtumirë Kasovë, edhe Amerikanet e kan parë se nuk ka asgjë nga ne shqipétarët, Kjo asht shenja e pare se Kosoven ne vet me keqperdorime jemi duke e kthyer ne duart e Serbise.

Shto koment

Të ngjashme