BQK-ja nuk i lejoi qasje në dokumente GAP-it për rritjen e tarifës së sigurimeve

Donika Voca Gashi Donika Voca Gashi 26 December 2019 19:49

Dy muaj pasi Banka Qendrore e Kosovës mori vendim për rritjen e çmimit të sigurimit të veturave për 26%, ky institucion ka vendosur ta mbajë të fshehtë vendimin.

Më 10 dhjetor të këtij muaji, instituti GAP, përmes një kërkese zyrtare, kishte kërkuar nga BQK-ja qasje në studimin e kësaj të fundit, mbi të cilin ishte marrë vendimi për sigurimet dhe njëherazi edhe në vendimin e BQK-së, por një gjë e tillë nuk i ishte lejuar, raporton KTV.

Demi thotë të jetë habitur me përgjigjen e BQK-së, derisa shtoi se këtë kërkesë do ta dërgojë edhe në gjykatë.

Në tetor të këtij viti, Bordi i BQK-së mori vendim për rritjen e tarifave të sigurimit të automjeteve.

Ky vendim nxiti shumë reagime dhe u kundërshtua, derisa u tha se në asnjë shtet primi i sigurimit nuk përcaktohet nga shkalla e inflacionit.

© KOHA. Të gjitha të drejtat janë të rezervuara.

Komentet

Shto koment

Të ngjashme