Të martën në mëngjes, Kurti e Mustafa merren vesh për takimin e radhës Foto: Koha

Të martën në mëngjes, Kurti e Mustafa merren vesh për takimin e radhës

23 December 2019 22:12

Në mëngjesin e së martës së 24 dhjetorit, lideri i Vetëvendosjes dhe ai i LDK-së do të merren vesh për takimin e radhës në kuadër të negociatave për formimin e qeverisë.

Siç mëson KTV-ja, Albin Kurti i Vetëvendosjes dhe Isa Mustafa i LDK-së në mëngjes do të flasin për mundësinë e mbajtjes së një takimi të radhës, po të martën pasdite.

Takimet mes dy liderëve deri tash nuk kanë dhënë ndonjë rezultat. Ata vazhdimisht janë pajtuar vetëm për të vazhduar bisedimet.

Partitë ka kohë që kanë thënë se janë pajtuar për programin qeverisës për bashkëqeverisje, por kanë ngecur te ndarja e posteve, konkretisht te posti i presidentit, të cilin e kërkon LDK-ja e Mustafës.

Edhe pse kanë mbetur vetëm edhe tre ditë para seancës konstituive, një koalicion mes partive duket larg.

© KOHA. Të gjitha të drejtat janë të rezervuara.

Komentet

Shto koment

Të ngjashme