Arbëri

Osmani: Nëse dështon formimi i institucioneve vendi shkon në zgjedhje

Osmani: Nëse dështon formimi i institucioneve vendi shkon në zgjedhje

Nënkryetarja e Lidhjes Demokratike të Kosovës (LDK), Vjosa Osmani në një intervistë për Ekonomia Online tha se LDK-ja po pret nga Vetëvendosje të njëjtin vullnet politik siç e ka partia e saj për të arritur marrëveshjen e koalicionit.

“Unë nuk mund të flas për Vetëvendosjen, nuk e di çfarë arsye kanë ata, duhet t’i pyesni ata për qëndrimin e tyre, ajo çka kemi shprehur një bashkëpunim në mënyrë bashkëpunuese është që të takohemi sërish dhe të ulemi të diskutojmë e t’i sqarojmë pozitat tona si LDK, pastaj ta shohim se çfarë ndodhë më tutje. Me rëndësi është që ne kemi shprehur vullnetin e plotë, do të doja ta shihja edhe të njëjtin vullnet te Vetëvendosje”, tha Osmani për EO.