Rama thotë se do të përballen me burg ata që abuzuan me ndërtime duke shtuar kate pa leje

Shkon në 51 numri i viktimave, vdes 20 vjeçja që ishte në koma

30 November 2019 08:21
13:07

Numri i viktimave nga tërmetet në Shqipëri vazhdon të rritet. Ka shkuar në 51 numri, pasi ka ndërruar jetë në spitalin e Traumës 20-vjeçarja që ndodhej në koma.

20-vjeçarja, Xhesika Biqiku ishte në gjendje kritike për jetën dhe mjekët nuk e këshillonin transportimin e saj në një shtet të huaj për të marrë mjekim, për shkak të gjendjes së rënduar.

Xhesika Biquku, vajza e Ilia Biquku ka ndërruar jetë në spital. Mjekët tentuan që ta dërgonin drejt Italisë, por në gjendjen e rënduar që ishte nuk mund të përballonte udhëtimin, raporton Top Channel.

Sipas burimeve, Xhesika ka marrë goditje të fortë në kokë. Familjarët e Xhesikës se kishin menduar kurrë këtë gjendje të rëndë të cilën po kalojnë, humbjen e vajzës së tyre. Nëna, Rozeta dhe motra e Xhesikës po ashtu ishin lënduar, ndërsa babai ndodhej në një gjendje të mirë shëndetësore.

08:41

Përfundojnë operacionet e kërkim-shpëtimit, numri i viktimave shkon në 50

Kryeministri i Shqipërisë, Edi Rama në mbledhjen e jashtëzakonshme të Qeverisë, ka deklaruar se operacionet e kërkim-shpëtimit kanë përfunduar dhe numri i viktimave ka shkuar në 50.

“Operacionet e kërkim-shpëtimit kanë përfunduar, ndërsa fatkeqësisht duhet të them që numri i viktimave ka shkuar në 50”, tha Rama.

Rama falënderoi edhe trupat e kërkim-shpëtimit që kanë ardhur nga jashtë.

“Duhet të falënderoj trupat e kërkim-shpëtimit që kanë ardhur nga jashtë. Pa ato ne nuk do të kishim mundur të shpëtonim asnjë banor nga gërmadhat. Por kjo nuk zbeh punën e trupave tanë të kërkim-shpëtimit, por trupat kanë nevojë për mjete të specializuara”, vijoi kryeministri.

08:21

Rama thotë se do të përballen me burg ata që abuzuan me ndërtime duke shtuar kate pa leje

Kryeministri i Shqipërisë, Edi Rama, gjatë mbledhjes së jashtëzakonshme sot në mëngjes konfirmoi vdekjen e 50 personave nga tërmeti tragjik që goditi vendin mëngjesin e 26 nëntorin.

Rama duke cekur disa nga ndihmat që do t’i japin familjeve të viktimave dhe të mbijetuarve nga tërmeti në Durrës e Thumanë, ka thënë se do të trajtohen në mënyrë të veçantë, ndërkohë, urgjentisht kërkoi që të gjitha këto familje të hynë në shtëpi të reja.

Sipas tij, nesër do të mbledhjet komiteti, ku edhe do të kontrollohen të gjitha mjetet në mënyrë që të mos keqpërdoren asnjë donacion.

“7 deri në 15 vjet burg dhe nuk duhet diskutohet fare, për ndërtuesit që kanë marrë leje për tri kate dhe abuzon duke ndërtuar ndërtesa në shtatë kate”, tha ai.

Tha se në Durrës janë 19 ndërtesa që janë dëmtuar dhe njëmbëdhjetë prej tyre do të shemben plotësisht, ndërsa për shtatë do të pritet raporti i inxhinierëve.

Sipas tij, fëmijëve që janë të vendosur nëpër hotele duhet t’i sigurohet transporti për në shkolla, ndërsa, pasdite mësimdhënësit t’i ndihmojnë në bërjen e detyrave, pasi nëpër hotele ka hapësira ku mund të bëhet kjo.

Sa i përket ndihmave, Rama tha se duhet të garantohen që ushqimet janë të shëndetshme.

Ai tha se duhet të caktohet një person që duhet të komunikojë me këto familje për të parë se si është dëshira tyre.

“Ne jemi gati dhe të vendosin ata që janë në Thumanë të vendosen në mënyrë rekorde në Tiranë dhe ata të Durrësit të vendosin se nëse duan në Durrës apo Tiranë”, tha ai.

Gjithashtu, tha se duhet të ndryshohet ligji për ata që kanë mbijetuar tërmeteve të cilët do të kenë trajtim financiar për gjithë jetën e tyre.

Ndërkohë, për të gjithë pensionistët e familjeve, Rama tha se do t’iu jepet pension i veçantë, njësoj siç e marrin njerëzit me kontribute të veçanta, siç janë akademikët, shkencëtarët, artistët.

Ai tha se familjet e prekura do t’u ndahet një milionë lekë të reja, duke përfshirë edhe familjen Abazi nga Gjilani.

Për nxënësit dhe studentët e familjeve të viktimave, do të përfitojnë një bursë nga 15 mijë lekë në muaj.

Rama tha se emergjenca ka një perimetër që është zgjeruar edhe me qarkun e Lezhës.

© KOHA. Të gjitha të drejtat janë të rezervuara.

Komentet

Shto koment

Të ngjashme