Mustafa e Osmani takohen me Palmerin, flasin për sundimin e ligjit e dialogun me Serbinë Foto: Koha/Arkivë

Mustafa e Osmani takohen me Palmerin, flasin për sundimin e ligjit e dialogun me Serbinë

01 November 2019 12:28

Kryetari Mustafa dhe nënkryetarja Osmani takojnë zv. Ndihmës Sekretarin e Shtetit, Matthew Palmer

Sot, kryetari i LDK-së Isa Mustafa, së bashku me nënkryetaren Vjosa Osmani, takuan zv.ndihmës Sekretarin e Shtetit, Matthew Palmer në Ambasadën e Shteteve të Bashkuara të Amerikës në Prishtinë.

Gjatë këtij takimi, siç njofton kumtesa nga LDK-ja, u diskutua lidhur me çështjet që LDK i sheh si prioritet për institucionet e ardhshme që lidhen me agjendën e brendshme si dhe politikën e jashtme të Republikës së Kosovës, siç janë sundimi i ligjit, zhvillimi ekonomik dhe dialogu Kosovë-Serbi.

“Kryetari Mustafa e falënderoi Zv. Ndihmës Sekretarin Palmer për angazhimin shumë aktiv dhe përkrahjen e Shteteve të Bashkuara si dhe për angazhimin e tij personal për ta përkrahur Kosovën në të gjitha prioritetet dhe sfidat që na presin”, thuhet në kumtesë.

Përfaqësuesi Special Matthew Palmer, thotë LDK, foli për atë se si Kosova mund të shtrojë rrugën drejt paqes përmes një marrëveshjeje gjithëpërfshirëse me Serbinë.

© KOHA. Të gjitha të drejtat janë të rezervuara.

Komentet

Shto koment

Të ngjashme